Arlington, Texas

Arlington
Kaart	Wapen
	Vlag
Land	Verenigde State
Deelstaat	Texas
Koördinate	32°42′N 97°07′W / 32.700°N 97.117°W / 32.700; -97.117
Stigting	1876
Oppervlakte:
- Totaal	258,2 vk km
Hoogte bo seevlak	184 m
Bevolking:
- Totaal (2016)	392 772
- Bevolkingsdigtheid	1 472/vk km
Tydsone	SST (UTC -6)
Somertyd	SDT (UTC -5)
Burgemeester	Jeff Williams (R)
Amptelike Webwerf	arlingtontx.gov

Arlington is 'n hoofstad in die Amerikaanse deelstaat Texas, geleë in Tarrant County. Dit is deel van die Middelstedestreek van die Dallas–Fort Worth–Arlington metropolitaanse gebied, ongeveer 19 km oos van die middestad van Fort Worth en 32 km wes van die middestad van Dallas.

Volgens die Amerikaanse Sensusburo se skatting het die stad 'n bevolking van byna 379 577 aan die einde van 2013 gehad,^[1] wat dit die derde grootste munisipaliteit in die metropolitaanse gebied maak. Arlington is die 48ste digsbevolkte stad in die Verenigde State van Amerika en die sewende grootste stad in die deelstaat Texas.^[2]

Arlington grens aan Kennedale, Grand Prairie, Mansfield en Fort Worth. Arlington is gestig in 1876 langs die Texas-Pasifiese-spoorlyn. Die stad is genoem na Generaal Robert E. Lee se Arlingtonhuis in Arlington County, Virginië. Arlington het gegroei as 'n katoenboerderysentrum,^[3] en is geïnkoropreer op 21 April 1884. Die stad kon spog met lopende water, elektrisiteit, natuurlike gas en telefoondienste teen 1910, asook 'n openbare skoolstelsel. Teen 1925 is die bevolking op 3 031 geskat, en dit het aangegroei tot meer as 4 000 voor die Tweede Wêreldoorlog.

Grootskaalse industrialisasie het in 1954 gevolg, met die opening van 'n General Motors-monteeraanleg. Die motor en ruimtevaartontwikkeling het die stad een van die land se grootste bevolkingsgroeikoerse tussen 1950 en 1990 besorg. Arlington is een van die "boomburbs", die uiters vinnig-groeiende voorstede van die post-Tweede Wêreldoorlog-era. Die Amerikaanse Sensusburo se bevolkingsyfers vir die stad vertel die storie: 7 692 (1950), 90 229 (1970), 261 721 (1990), 365 438 (2010)^[4] en byna 374 000 teen 2011. Tom Vandergriff het as burgemeester gedien van 1951 tot 1977 gedurende 'n tydperk van sterk ekonomiese ontwikkeling. Die temapark "Six Flags Over Texas" is in 1961 in Arlington geopen.

1. ↑ "Arlington (city) QuickFacts from the US Census Bureau". U. S. Census Bureau. Geargiveer vanaf die oorspronklike op 16 Januarie 2015. Besoek op 4 Desember 2014.
2. ↑ McCann, Ian (10 Oktober 2008). "McKinney falls to third in rank of fastest-growing cities in U.S." The Dallas Morning News (in Engels). Geargiveer vanaf die oorspronklike op 29 Desember 2010. Besoek op 21 Augustus 2018.
3. ↑ "argiefkopie" (PDF). Geargiveer vanaf die oorspronklike (PDF) op 30 Januarie 2017. Besoek op 21 Augustus 2018.
4. ↑ "DP-1 'Profile of General Population and Housing Characteristics: 2010' with '2010 Demographic Profile Data'" (in Engels). U. S. Census Bureau. Geargiveer vanaf die oorspronklike op 18 Desember 2014. Besoek op 9 Januarie 2013.